အိမ်ဘေးကပန်းခြံထဲ သားအဖ၂ယောက်နဲ့ကစားပေးနေတုန်း တီကောင်ကျစ်စာ တွေတွေ့လို့ စိတ်တွေမရိုးမရွဖြစ်ပြီး မနေနိုင်မထိုင်နိုင် အိမ်ပြန်ပြေး အိတ်နဲ့ စိုက်ပျိုးရေးဂေါ်ပြားပြေးယူပြီး ရသလောက်ကော်ယူလာခဲ့တယ်။
အပင်တွေအတွက် ကောင်းမွန်တဲ့ အာဟာရဆိုတော့ ကိုယ့်သားသမီးတွေအတွက် အမေဆိုတော့လည်း မရှက်နိုင်ဘူးလေ။ များများသီးပွင့်ပါစေ။
ဒါနဲ့ နွေဦးတုန်းက ပွင့်တဲ့ ကျူးလစ်ကလေးက ဥတွေအများကြီးဥနေတယ်။ စိတ်မကောင်းပေမယ့် ဟင်းသီးဟင်းရွက်ပင်တွေစိုက်ဖို့ နေရာမရှိလို့ အကုန်တူးထုတ်ပစ်လိုက်တယ်။
မေမေနဲ့ဖေဖေ့ရဲ့ Dough လက်ရာ တွေနဲ့ ကျေနပ်နေပါသော😍။ သူ့ ပိုးတုံးလုံး လေးကို ကျွေးရင်းနဲ့သူပါနှိုက်စားရသေး😂။
ကိုယ့်သားလေး စကားမပြောဘူး မပြောဘူးနဲ့၊ ၂နှစ်ပြည့်တဲ့နေ့ကစပြီး ပြောလိုက်တဲ့စကား။ တီသလား တာသလား မမေးနဲ့ သူ့အဖေဆို အူတွေကိုယားး နေရောပဲ။
ママ。。。きてよ〜。パパきてよ〜。အမေအဖေကို လာပါ ခေါ်တာကတစ်မျိုး၊ ထမင်းစားပွဲထိုင်ပြီဆို美味しそう〜。いいにおーい。ဆိုပြီး ပြောတာကတစ်မျိုး။အသံလေး ချွဲချွဲပြောတာ 😂 သီချင်းတွေကလည်း ဆိုရ၊ တခါတလေ စာသားမဆိုဘဲ တီးလုံးပဲ ညည်းဆိုတာကရှိသေး 😂။
ကလေးDevelopment ကို အားမလိုအားမရဖြစ်တိုင်း စိတ်ပင်ပန်းရတာ၊ အခုတော့သိပ်မပူတော့ဘူးလို့ စိတ်ကိုပြင်ထားတယ်။အချိန်တန်ရင် စကားပြောလာတာပဲလေ၊ စားလာမယ် ဆော့လာမယ် တတ်သင့်တာ တတ်လာမယ် မိဘက နေ့စဉ်နဲ့အမျှ နမူနာဖြစ်အောင် နေပြဖို့ပဲ ပိုကြိုးစားရမယ်လို့။ အဲ့တော့ မနက် အိပ်ရာမထချင်လည်း ကြိုးစားထနေပါတယ်…လို့ 😂
2021年8月16日 突然 穂高が “ママ”って呼んだ。しかも、何回も何回も呼んで中々止まらない (笑) 返事するの大変だった 笑
ကိုယ့်idolရဲ့ program ကြည့်နေတုန်း
👱🏻♂️ရုပ်က မချောဘူးနော်
😡 အဲ့လိုပြောတဲ့ ရှင်က ချောနေလို့လား
👱🏻♂️ မင့်သားရဲ့ အဖေဆိုတော့ကာ….
😩……
သားလေး ကြီးလာရင် ဖတ်ပြီး ကြောက်နေမလားနော်။ မကြောက်ပါနဲ့ကွာ….ချစ်လို့ အသည်းယားပြီး ပြောကြတာပါ။
ချစ်လှစွာသော သားတော်မောင်အားကြည့်၍”ကိုက်လိုက်ရမလား ..ကိုက်လိုက်ရမလား “
ချစ်လှစွာသော သားတော်မောင်အားကြည့်၍”ဘာလို့ အဲ့လောက် အရသာရှိ မယ့်ပုံ ပေါက်နေရတာလဲ။”
ပထမဆုံး ဆေးရုံမှာ သွားစစ်တဲ့နေ့
ကုတင်ပေါ်မှာ ဆရာဝန် စစ်တာ ကို မျက်နှာကြီး ရှုံ့မဲ့ပြီး ခံနေတဲ့ ကိုယ့်ကိုကြည့်ပြီး သူက ပြုံးစိပြုံးစိ လုပ်နေတာ ။ ဒီမှာက ထပြေးချင်နေပြီ။
ပဲစေ့လိုဟာလေးက လှုပ်တုတ် လှုပ်တုတ် နဲ့
ဆရာဝန် ပြပြီး အခန်းပြင်လည်းထွက်ကော မျက်ရည်တွေ ပေါက်ပေါက် ပေါက်ပေါက် နဲ့ကျလာတာ စိတ်လှုပ်ရှားပြီး ။ သူကတော့ ပြုံးစိပြုံးစိ ပဲ။ ကိုယ်က စိတ်ထဲရှိတာ မျက်နှာမှာ စကားမှာ အကုန်ပေါ်တတ်ပေမယ့်။ သူက မျက်နှာမှာ မပေါ်တတ်တော့ သတိမထားခဲ့မိပေမယ့် ခုပြန်တွေးကြည့်ရင်သူလည်း စိတ်လှုပ်ရှား နေခဲ့တာပဲလို့ သဘောပေါက်လာတယ်။ မေးရင်တော့ မလှုပ်ရှားပါဘူးပဲဖြေမှာ သိနေတယ် ။
ဒါနဲ့ ကိုယ်ဝန်အစောပိုင်းစမ်းသပ်တာက ဒီပုံလိုမဟုတ်ဘူး။ ကိုယ့်မှာ ” လာ ဟိုဘက်ခန်းက ကုတင်ပေါ်တက် စစ်မယ်” ပြောလို့ ဘေးခန်းကူး ၊ ကုတင်လည်းမြင်ရော ငါ့ဘွကြီး သွားပါပြီ လို့ မျက်ရည်တွေ ဝဲတော့တာပဲ။
သူကတော့ စပ်ဖြီးဖြီး နဲ့ ခေါင်းရင်းနား ကပ်ရပ်ရင်း ပြောင်ပြနေတော့တာ။
ဆရာဝန် ကလည်း အမျိုးသမီး မဟုတ်ဘူး အဘိုးကြီး ။ နောက်မှ သိရတာက ဆေးရုံမှာ ရှိတဲ့ မီးယပ်သားဖွား ဆရာဝန် တွေထဲမှာ လုပ်သက်အရင့်ဆုံးနဲ့ အတော်ဆုံး ဆရာဝန် ဆိုလို့ ကံကောင်းပါလားလို့ တွေးမိတယ်။
အဲ့နေ့ကစပြီး ဆေးရုံသွားတိုင်း
အိမ်ထောင်ပြုတာ ယောကျာ်း တစ်ယောက်တည်းနဲ့ပြီးပြတ်တဲ့ ကိစ္စမဟုတ်ပါလား လို့ သံဝေဂတွေရ ။
ဆရာဝန် စစ်ဖို့ အခန်းထဲမဝင်ခင်” ၁မိနစ်တောင်မကြာပါဘူး ဘာမှမတွေးနဲ့ စိတ်လျော့ စိတ်လျော့ ” ဆိုတဲ့ ဂါထာ ရွတ်တော့တာပဲ။ 😝😝😝
ကိုယ်ဝန်ဆောင်ရက်နောက်ဆုံးနေ့။နောက်နေ့ဒီအချိန်ဆို ငယ်သံပါနေမယ်ဆိုတာမသိဘဲ ညနေဘက် ထုံးစံအတိုင်း လမ်းလျောက် အပြန်စျေးဝင်ဝယ်ရင်း မရိုက်စဖူး ရိုက်ပေးတဲ့ပုံလေး။
တတ်နိုင်သလောက် ဗိုက်ထဲမှာ အချိန်စေ့နေစေချင် သလို ရက် ကျော်မှာလည်းစိုးတယ်။ ဗိုက်နာတယ်ဆိုတာ ဘယ်လိုနာမှာလည်းမသိတော့ စိတ်ကလည်း ပူ။ နာနည်းမျိုးစုံ စိတ်ကူးနဲ့ နာကြည့်။ တစ်ပတ် အလိုရောက်တာတောင် သရိုးသရီဘာမှမဖြစ်တော့ အရင်ထက် လမ်းကိုဖိလျောက်တာ ။
ကိုယ်က နဲနဲ လျောက် မယ်ပြောရင် ဘောစိဆရာက တဝေးကြီးပတ်ခေါ်သွားတာ ။ ကိုယ့်မှာ ဗိုက်ပိနေတော့ ခြေထောက်ကခဏခဏ အကြောတင်ပြီး ဆယ်လှမ်းတစ်ခါလောက် “အား..ခဏ ခဏ ” ပြောပြီး အကြောတင်တဲ့နေရာလေးကိုနှိပ် လိုက် ပြန်လျောက်လိုက်လုပ်ခဲ့ရတာ။
နောက်တော့ အဝေးကြီး ပတ်လျောက်ခိုင်းမှာစိုးလို့ ” golf သွားကျင့်လေ လိုက်စောင့်ပေးမယ် “ပြောရတယ်။ ဒါဆို golf club အထိ လျောက် ထိုင်စောင့် အပြန်မှာ ညလယ်စာစား စျေးဝယ် လုပ်လို့ရတယ် ။ ဉာဏ်သုံးရတာပေါ့။
ဒါတောင် မီးပွိုင့် အနီမပြောင်းခင် လက်ဆွဲပြီးအတင်းပြေးကူးမယ်လုပ်တာ ခဏခဏ။ ကိုယ်တော့ ခြေကန်ပြီး လက်အတင်းဆွဲထားတာ မကူးဘူး လုံးဝမကူးဘူးပဲ။ လမ်းလယ်ကောင် အကြောတင်သွားလို့ကတော့ မလွယ်ဘူးလေ ။ တိုးလို့တန်းလန်းကြီးဖြစ်နေမှာ။ လမ်းလျောက် ပုံကလည်း ပင်ဂွင်းငှက် လမ်းလျောက် နေသလိုပဲ။စဉ်းစားကြည့်ပါ မျဉ်းကျားပေါ်မှာ ပင်ဂွင်းငှက် အကြောတင်နေပုံကို😂။
ပုံမှန်လမ်းလျောက် တာကြောင့်ပဲလားတော့မသိဘူး နောက်နေ့ မွေးရက် ၂ရက်အလိုမှာ သဘာဝအတိုင်း အန္တရယ် ကင်းကင်းနဲ့ မွေးလိုက်နိုင်ခဲ့တယ်။
ナポリタンです。いつも文句言わずに食べてくれてありがとう。
文句言われてない？うん….⁉️ 🤣
穂高の物語り 